सत्प्रयास मिडिया गु्रपद्वारा उत्पादित रेडियो कार्यक्रम हाम्रो यात्रा । प्रिन्ट मिडियाका लागि सम्पादित गरिएको सामग्री यहाँ राखिएको छ ।
रोल्पामा सुरु भयो अपरेशनबाट बच्चा जन्माउने सेवा
स्वास्थ्य मानिसका लागि गतिलो सम्पत्ति सरह हो । जब मानिसको स्व्ाास्थ्य अवस्था सही हुन सक्छ, तब मात्र अरु काम गर्न सकिन्छ । सरकारले यस क्षेत्रमा वर्षोनी लगानी बढाइरहेता पनि यस क्षेत्रको र्सवाङ्गीण विकासका लागि अझै लगानी थप्नु पर्ने र यसका लागि बृहत् योजना बनाउनु पर्ने खाँचो देखिएको छ ।
सामाजिक, सांस्कृतिक, लैङ्गकि, आर्थिक र शैक्षिक अवस्थाबाट अहिले पनि महिलाहरु पछि पारिएका छन् । समाजका आधा आकाश भनिने महिला वर्गको स्वास्थ्यमा गम्भीर हेलचेक्र्याई भएको अवस्थामा नीति निर्माता र सरकारले यसमा चासो देखाउनु आवश्यक छ । महिला स्वास्थ्यसँग जोडिएको सुरक्षित मातृत्व सेवा सम्बन्धी कार्यक्रम गरी सचेतना गर्ने उद्देश्यले रोल्पामा यससँग सम्बन्धित कार्यक्रम पनि लागू भइरहेका छन् ।
